Katt sakna etter trafikkulukke
I etterkant av trafikkulukka på Løfallstrand i går ettermiddag, fortel politiet om to kattar som også var inne i bilen.
– Den eine av dei to kattane forsvann like etter ulukka. Om den er komen til rette no veit me ikkje, men den stakk i alle fall til skogs, sa politistasjonssjef Sigurd Børve.
Politiet ber folk i området om halda utkikk.
Annonse
På spørsmål om skildring av katten, svarar politistasjonssjefen kort:
– Det såg ut som ein katt, sa Børve lattermild.
Det er ikkje meldt om alvorlege personskadar i samband med ulukka, og i fylgje Børve er det heller ikkje mistanke om promille.
