Kari Bråtun vann halvmaraton

Laurdag formiddag var det duka for Sunnhordland maraton i Leirvik sentrum. Kari Bråtun stakk av med sigeren på halvmaraton i kvinneklassen. Ho klokka inn på 1:36:25.

– Det gjekk jo over all forventning. Eg hadde ein plan om å springa jamnt, og reiste eigentlig ikkje til Stord for å vinne. Det var fyrst då eg kom mot mål eg forstod at eg låg godt an, seier Bråtun.

Var det tungt?

– Etter 17 km var det ganske tungt i beina, men visste då at eg ikkje hadde langt igjen. Samstundes var eg på veg ned til Borggata, og fekk med det eit ekstra gir. Eg prøvde å liggja mellom 4-5 minutt pr. km heile vegen, og det ser eg på tida at eg klarte, sluttar Uskedølingen.