Kåra til beste Nærbutikken

Nærbutikken-kjeda ligg inn under NorgesGruppen, som tidlegare i vår altså hadde ei samling i Bergen der dei delte ut prisar til dei beste butikkane. Den vetle butikken vart allereie i fjor kåra til blant dei tre beste av Nærbutikkane i Vestland, i år gjekk dei derimot heilt til topps.

– Me skulle på festmiddag i Bergen og forstod vel at det var noko. Eg hadde ei lita aning om at me var nominert, men eg hadde ingen forhåpningar om å faktisk vinna, seier Fosse til Grenda.

Tidlegare i vår fekk butikken eit umeldt besøk frå ein frå juryen, men Fosse fekk fyrst vita om det i etterkant då han ikkje heime akkurat den dagen.

– Det dukka plutseleg opp ei dame som kom for å sjå på butikken. Ho stilte mange spørsmål og såg litt på korleis butikken ser ut og korleis me driv. Besøket var kanskje umeldt, men me visste at ho var frå juryen, fortel Fosse.

– Du føler jo at du gjer noko rett. Ein tutlar no på i eigen kvardag, så det er klart det er fint å sjå at me gjere noko bra, avsluttar han.