Kan starta hydrogenproduksjon
Liquiline har fått levert den første elektrolysøren til anlegget deira på Stord, med kapasitet til 140 tonn i året.
Publisert
Sist oppdatert
– Leveransen er eit resultat av partnaravtalen mellom Liquiline og den danske elektrolyseleverandøren Green Hydrogen Systems. Den første elektrolysøren med kapasitet på 140 tonn grønt hydrogen i året, blei denne veka levert til Stord Hydrogen, skriv Liquiline i ei pressemelding i samband med leveransen.
Liquiline er eit heileigd dotterselskap av Hydrogen Solutions (HYDS), som i sin tur er eigd av SKL og Årmann Green Invest. Green Hydrogen Systems på si side er ein leiande leverandør av standardiserte og modulbaserte elektrolyseanlegg for produksjon av grønt hydrogen basert på fornybar energi.
Annonse
– Etter en testperiode blir det lagt opp til å setja anlegget på Stord i ordinær produksjon i slutten av 1. kvartal. Med dette er eit av dei første anlegga for lokalprodusert, grøn hydrogen i Norge en realitet, skriv Liquiline i pressemeldinga.
Det er Stord Hydrogen som skal drifta anlegget på Stord. Selskapet er eid av Hydrogen Solutions (HYDS), Alltec Services og Greenstat. Anlegget skal levera hydrogen til Sustainable Energy Katapult Senter og eksterne kundar.
– Dette er ein viktig milepåle for Liquiline. Som det første hydrogenanlegget av sitt slag i Norge, vil anlegget på Stord bli eit svært viktig referanseprosjekt for oss. Det at Liquiline og HYDS no får driftserfaring for denne type anlegg i Norge før nokon andre, vil gi oss store føremonner opp mot til framtidige prosjekt, seier dagleg leiar i Liquiline Knut Førland i pressemeldinga.
