Kan bli slutt på brev i private postkassar
Ny rapport peikar på eit søkkande tal brev på papir, og konkluderer med at det er naudsynt med ei endring.
I januar oppnemnde samferdsleminister Jon-Ivar Nygård eit hurtigarbeidande utval som mellom anna skulle sjå på om postboda skulle få nye oppgåver. Den 16. desember mottok han utvalet sin rapport, som no vil bli sendt på offentleg høyring.
Mindre brev
Annonse
Utvalet sitt fleirtal har konkludert med at levering av brev bør skje ved hentepunkt, med moglegheit for postkasselevering til dei som treng det éin dag i veka.
– Med eit søkkande tal brev på papir, er det naudsynt å sjå på korleis posttenesta skal sjå ut i framtida. Rapporten peikar på korleis vi best mogleg kan tilpassa tenestene. Dei meiner mellom anna at brev skal leverast til postpunkter i staden for i postkassen, uttalar samferdsleminister Jon-Ivar Nygård ei pressemelding frå Samferdsledepartementet.
Han peikar vidare på at digitalisering har gjort at vi sender stadig mindre tradisjonell post.
– Fallet i brevmengda dei siste åra har vore ekstremt stort, noko som inneber at kostnaden per gjenverande brev blir svært høg, legg Nygård til.
