Kan bli ein historisk våt juli: Kvinnherad er sett på vêrkartet

Det er eit utval av målestasjonane i fylket som er fremja i meldinga frå Yr. Tre av fem av desse ligg i Kvinnherad.

«Det blir ikkje tørt vêr framover heller, så vi kan nok allereie no konkludera med at juli vil gå inn i historiebøkene som ein våt månad i vest», skriv dei i ei Twitter-melding krydra med regnvêrs-emojiar.

Opstveit i Matre ligg i tet med ei førebels nedbørsmengd på 143,5 mm, Hatlestrand skiltar med 137,7 mm, medan Husnes kan skryta over sine 125,4 mm.

Såleis tronar målestasjonane i Kvinnherad på toppen av lista, over dei følgjande målestasjonane ved Straumøy og Lavik.