Julegåveaksjonen 2021: Framleis mogleg å bidra

– Det som er spesielt i år er at det er fleire privatpersonar som har tatt direkte kontakt med oss. Listene våre hadde me klare i november, men sidan den tid har jo straumprisen hatt eit hopp. Det har ført til at fleire har tatt kontakt no i siste liten, utanfor tenestene som me samarbeider med, fortel ho.

Aksjonen vert gjennomført i samarbeid med ulike tenester som NAV, Rus og psykiatri, eining for barn og familie, eining for integrering og opplæring, sjukeheimar og Flyktningtenesta. Dei som treng gåve frå aksjonen blir meldt inn via desse tenestene, men ein har også hatt moglegheit å ta direkte kontakt med frivilligsentralen, noko fleire kvinnheringar har nytta seg av i år.

Håpar på førjulshjelp frå kommunen

Takkar ikkje nei til meir hjelp

Denne veka skal gåvene frå aksjonen pakkast inn og delast ut, og sjølv om det er ein god gjeng som er klare for ei hektisk veke, er det alltid plass til fleire hender.

– Det er denne veka som er den aller travlaste i heile året, og sjølv om me har planar om å få ut alle gåvene denne veka, er det ikkje slik at me stoppar arbeidet når veka er over, fortel ho vidare.

I tillegg til julegåver deler Frivilligsentralen ut julemat til dei som treng det. Også her har etterspurnaden vore særleg stor i år.

– Neste veke skal me nytta til å dele ut matgåver før jul. Me har vore så heldige å få 120.000 kroner av SpareBank 1-stiftinga Kvinnherad til dette formålet, seier Thorsen takksamt, før ho held fram.

– Om det er nokon som lurer på om det er for seint å gi, så er det ikkje for seint. Eg har vore med å delt ut gåver på julaftan òg. Og om nokon lurer på om dei skal gi, er svaret; ja, gjer det. Det er veldig mange i Kvinnherad som har behov, sluttar ho.