Jubileumsutstilling i Guddal

Skjærtorsdag vert det ei stor jubileumsutstilling i Galleri Guddal for å feira 30 år med galleridrift.

Om lag 180 kunstnarar har stilt ut i løpet av denne tida, nokre av dei fleire gonger med nye verk kvart år. Det har blitt invitert ei fin gruppe til denne jubileumsutstillinga, der det er særskilt ærefullt at H.M. Dronning Sonja har endå ei gong har takka ja til å stilla ut. Det blir ei fin blanding av måleri, teikning, skulptur og grafikk, står det i pressemeldinga.

– Eg er stolt over å kunna feira 30 år med samanhengande galleridrift. Frå ein forsiktig start i Snikkeriet, via kaia i Rosendal, for så å opna den store satsinga her i Guddal i 2014. Å tora å ta spranget med flyttinga opp hit har vore eit tidsskilje i gallerihistoria, seier Gøril Guddal i pressemeldinga.

Etter opninga vert det høve til å få med seg «Kjere Folk», som skal har konsert oppe på Låven.

Desse stiller ut:

H.M. Dronning Sonja – grafikk (utstilling 2018)

Ørnulf Opdahl – maleri (Utstillingar 2008, 2013 og 2016)

Kjell Erik Killi Olsen – maleri (utstilling 2008)

Ulf Nilsen – kolteikning

Eva Harr – maleri (utstilling 2000 og 2013)

Nico Widerberg – skulptur (Utstillingar 2001, 2007, 2011 og 2016)

Kenneth Blom – maleri (utstilling 2020)

Lars Elling – maleri (Utstilling 2019)

Yngve Henriksen – maleri (utstillingar 2006, 2011 og 2021

Bård Breivik – skulptur (Utstillingar 2005 og 2021)

John Audun Hauge frå Bergen viser skulptur i stein ute i tunet og inne i Stallen.