Jordskjelvstasjonen i Bergen plasserte jordskjelvet i fjellheimen vår, men det var litt sprikande informasjon om dette.

Jordskjelv merkast i heile Kvinnherad

Klokka 18.30 laurdag kveld vart Kvinnherad råka av eit jordskjelv.

Journalist
Publisert Sist oppdatert

Bergens Tidende meldte først at jordskjelvet hende aust for Husnes, men endra seinare til søraust for Odda. På appen Earthquake står Matersdalen oppført som episenter for skjelvet.

På jordskjelv.no, ei nettside som ligg under forskingsorganisasjonen Norsar, står det at skjelvet målte 2,7 på Richters skala. Jordskjelvstasjonen i Bergen registrerer skjelvet med styrke 2,8. Det kan verka som at folk over heile Kvinnherad, frå Halsnøy til Hatlestrand, har kjent ristinga. Bergens Tidende meldte at også folk i Fusa og på Voss kunne merka jordskjelvet.

Ein Grenda-lesar undra på om det var trampeklappen etter revyen i Åkra som forårsaka jordskjelvet.

nyhende natur og miljø
Powered by Labrador CMS