Jan Eggum til Turisthotellet
Bergensartisten Jan Eggum er kjent og kjær for mange. Ove Hillesland og Turid Lindeland kallar intimkonserten 30. november for «ei lita perle før me gir oss som vertar».
I haust kjem det eit heilt nytt album frå 72-åringen, faktisk det 25. albumet i hans musikarkarriere. Albumnamnet «Observatør» peikar på Eggum si rolle som tekstforfattar med mange nøyaktige og gripande skildringar der han tek eit observerande perspektiv.
Konserten blir det siste arrangementet i regi av Hillesland og Lindeland før dei let nye eigarar ta over som vertskap for Rosendal Turisthotell. Og det blir ein flott konsert, skal me tru pressemeldinga dei sender ut:
Annonse
«Anten det er dei melankolske balladane som treff deg rett i hjartet, eller dei meir oppstemte og fengande låtane som får deg til å dansa i stolen, vil du bli riven med av Jan Eggum sin unike stil og lune humor», står det å lesa.
