Isbading for klima
Søndag føremiddag hoppa Kvinnherad SV i sjøen for å skapa blest rundt klimasaka.
¬- Det var overaskande deilig å koma opp av vatnet, ler lokallagsleiar Silje Nordtveit Olsen, då Grenda tek ein prat med ho etterpå.
- Dette er ein aksjon som SV har hatt sidan 21. Me har demonstrert, ropt høgt og kjempa for å setta fokus på klimasaka. No var det på tide med eit nytt stunt for å skapa meir blest rundt saka og syna at me meiner alvor, fortel den engasjerte leiaren etter badet, godt innpakka i varme og tørre klede.
Annonse
I fylgje Olsen er dette noko som dei ulike lokallaga rundt om i landet har utfordra kvarandre til å gjera, og ingen vil vera dårligare enn dei hine.
– Me bestemte oss for at dette vil me òg vera med på. Då eg foreslo det for laget var alle veldig positive til idéen, men jo meir det nærma seg bading så byrja me å angra litt. Men det var verdt det, understrekar ein smilande Olsen.
Dei komande generasjonane
At SV er oppteke av klimasaka, er tydeleg, og dette vil dei at folk i Kvinnherad skal sjå.
Annonse
– Me ynskjer at kvinnheringane skal sjå at me i Kvinnherad SV er oppteke av grøn næring, utgiftskutt og vern av havområde, fortel Olsen.
– Me må jo verkeleg verna naturen i vår fantastiske kommune, og resten av landet. Me ynskjer at dei komande generasjonane også skal få kunne ta eit isbad i februar. Om 100 år skal det vera minst like kaldt som i dag, forhåptenligvis kaldare, avsluttar leiaren.
