Inviterer til tryggleikstreff

Måndag 22.mai skipar lokale sanitetslag saman med det lokale brannvesenet til tryggleiksdag på Varaldsøy grendehus.

«Personar over 70 år har fire til fem gonger høgare risiko for å omkomma samanlikna med resten av befolkninga», seier Gjuvsland som engasjerer seg for at færre i risikogruppa skal døy.

Direktoratet for samfunnssikkerhet og beredskap (DSB) meldte i 2022 at eldre og pleietrengjande, personar med nedsett funksjonsevne og rusavhengige er særleg utsette for å døy i brann.

– «Mykje kan førebyggast gjennom å ha rett utstyr og ikkje minst vita korleis det skal nyttast. Rask varsling og å kome seg fort ut er heilt avgjerande», seier Gjuvsland i pressemeldinga.

Saman med sanitetslaget stillar avdelingsleiar for førebyggande avdeling i Kvinnherad brann og redning Øyvind Ousdal og branninspektør Thomas Hallquist.

– «Kunnskap er ferskvare. Jo lenger fremme i hovudet dette ligg, jo høgare er sannsynet for at du tek dei rette vala i ein krisesituasjon», seier Ousdal i pressemeldinga.

Målet med arrangementet er å samle risikoutsette grupper til eit sosialt samvær med fokus på branntryggleik og å bidra i arbeidet for å førebygga dødsbrannar og at fleire skal bli betre førebudde.

Det skal vera fleire tryggleikstreff i Vestland fylke den næraste tida, som ein del av ein nasjonal satsing frå Sanitetskvinnene. No står altså Varaldsøy for tur.

«Det vert invitert til lokalt treff der det vil bli servert mat, det vert underhaldning med Arne Torget og ein presentasjon og samtale om branntryggleik frå brannvesenet. Det vert også delt ut utstyr for å fremje branntryggleik», heiter det i pressemeldinga.