Inviterer til tilflyttarsamlinga
Måndag 21. november inviterer Kvinnherad kommune og Kvinnherad næringsservice alle dei som melde flytting til Kvinnherad mellom 1. juli 2021 og 30. juni 2022 til ny tilflyttarsamling.
Publisert
Sist oppdatert
Samlinga finn stad i festsalen i Husnes kulturhus, og vil blant anna by på ulike kulturelle innslag, både frå lokale musikarar og kulturskulen. Det vert også presentasjon av ulike lag og organisasjonar, slik at nye kvinnheringar kan bli kjent med kommunen og litt av det frivillige organisasjonslivet i Kvinnherad.
BUA held ope i kjellaren i frå halvtimen før samlinga startar, slik at alle kan sjå kva utstyr som er til utlån. Kvinnherad kulturskule Orkester 2 står for opninga, ordførar Hilde Enstad ynskjer velkommen og det blir presentasjonar over ein låg sko. Dansegrupper frå Kvinnherad kulturskule, Kvinnherad Turlag, Rosendal Bygdelag og nyetablerte Mary Jannes Renholdsservice presenterer seg før matpausen.
Annonse
Det blir musikalsk innslag ved Ingebjørg Eik og Torvald Storaas, kommunedirektør Ragnhild Bjerkvik snakkar om å vera ny i Kvinnherad ved, og biblioteket presenterer ser. Det blir også utdeling av tilflyttarprisen på 10.000 kroner ved ordførar Hilde Enstad. Gåva vert trekt ut blant dei som deltek på arrangementet.
