Inviterer til Ternenbasaren
Pandemiåra har avskore mange organisasjonar frå både sosiale og inntektsbringande arrangement, men det er heldigvis slutt på. Dermed blir det basar på Skarveland skule i regi av IL Ternen.
Publisert
Sist oppdatert
– Idrettslaget Ternen har som så mange andre ikkje kunne hatt slike arrangement grunna pandemien, men no er me altså klare, og gler oss stort til fullt hus og stormande jubel, smiler Julie Holmedal Askeland på vegner av Ternen.
Ternenbasaren blir skipa til 23. oktober, og arrangøren håper mange har lyst å dela ein ettermiddag med både idrettslaget og andre sambygdingar.
Annonse
På programmet står åresal, trekning av boklotteriet, trekning av turbøker, samt ein runde med informasjon kring stoda i klubben som snart skal i gang med bygginga av Erslandsparken.
– Me kan freista med mange flotte gevinstar, og er svært takksame for gjevargleda. Utan ein slik flott respons og gjevarglede kunne me ikkje drive idrettslaget den skalaen me gjer. Basaren er vår hovudinntekt gjennom året, og difor er det så flott når så mange ynskjer å bidra til fellesskapet, slik at vi kan gi eit lågterskeltilbod gjennom året – og ikkje minst flotte skiløyper gjennom vintersesongen, sluttar Julie Holmedal Askeland.
