Inviterer til open dag
Valekrossen opner dørene i håp om å rekruttera nye elevar.
Valekrossen, som er ein avdeling ved Kvinnherad vidaregåande skule, inviterer onsdag 15. januar til open dag i lokale sine på Valen.
I ei pressemelding skriv dei at skulen håpar på meir synleggjering av tilbodet som finst for elevar som treng ekstra tilrettelegging og støtte i skulekvardagen, samt auka rekrutteringa.
Annonse
På agendaen denne dagen står mellom anna å visa fram skulen, introdusera fagtilboda og gi dei frammøtte ein sjans til å møta lærarane som er her.
