Inviterer til open dag på industribasen

Det er to tunge industriaktørar som opnar verftsområda sine for publikum på fredag.

– Me inviterer heile familien til open dag på Røysaneset Industribase i Høylandsbygd. Me vil by alle som kjem, enten sjøvegen eller andre vegar, på grilla laks, is og underhaldning for både unge og vaksne. Det blir moglegheit for omvising på industriområdet og for å sjå på fartøya som ligg ved kai, melder Tronds Marine i samband med den opne dagen dei har saman med Halsnøy Dokk.

I tillegg til god mat, blir det underhaldning for store og små, dans og musikk.

På kvelden inviterer Høylandsbygd bygdalag til samling for dei vaksne i båthuset.