Inviterer til nominasjonsrunde

Norsk kulturarv ynskjer kandidatar til Den Nasjonale Kulturlandskapsprisen for 2022. Fram til 1. mai er det mogleg å nominere kandidatar, melder Landbruks- og matdepartementet.

Føremålet med prisen er å gjera ålmenta medvitne på utfordringar når det gjeld kulturlandskapsverdiar, å auke kunnskapsnivået om kulturlandskapet og miljøverdiane i dette, samt å stimulere til å ivareta og utvikle dette.

«Kulturlandskapet i jordbruket, og særskilt det landskapet som er basert på tidlegare driftsformer, speler ei viktig rolle for bevaring av kulturminne og det biologiske mangfaldet. Aktivitetar som slått av enger, dyrehald på beite og bruk av bygningar har betydning for dette mangfaldige landskapet. Å ta vare på jordbruket sitt kulturlandskap med dei verdifulle miljøkvalitetane, krev ein stor og målretta innsats.» heiter det i utlysinga.

Kriteria som ligg til grunn for å bli nominert er mellom anna at den norske kulturarva skal forankrast i kulturlandskapet, det skal vera knytt til berekraftig skjøtsel, aktiv landbruksdrift og moderne drift. Det skal samstundes bidra til heilskap og mangfald, ha ein læringseffekt og det skal ha blitt gjort ein ekstra innsats for å ivareta kulturlandskapet.

Kulturlandskapsprisen vart første gong gitt ut i 2007. Prisen er på 50.000 kroner og vinnaren får også eit grafisk blad utført av Hans Normann Dahl.