Inviterer til informasjonsmøte
Åkra bygdalag vil at folk skal kunna koma med innspel til oppgraderinga av linja Blåfalli-Sauda. Onsdag 24. januar inviterer dei til informasjonsmøte.
Publisert
Sist oppdatert
I september sende Statnett melding til NVE om oppgradering av traseen Blåfalli-Sauda gjennom Åkra.
«Prosessen er enno på eit tidleg stadium, og Åkra bygdalag ynskjer at grunneigarar og andre som har meiningar om linja, skal kunna koma med innspel. Det kan ta t.d. vera innspel til val av trasè, noko som vil påverka mange grunneigarar direkte» skriv bygdelaget i invitasjonen.
Annonse
Kvinnherad kommune er høyringsinstans i saka, og er opptekne av at innbyggjarane skal få koma til orde. Deira representantar har jamlege møter med Statnett, og kan ta sakar med direkte til dei.
I utgangspunktet har kommunen i desse sakane tre generelle ting dei meiner Statnett må ta omsyn til;
– Det er bra om linjene kjem lengst vekk frå der folk bur.
– Det er viktig for kommunen at Statnett har god dialog med grunneigarane.
Annonse
– Vi forventar at estetiske omsyn vert ivaretatt.
«Om det er andre ting du som grunneigar meiner er viktig, har du sjansen til å få det fram til rette vedkomande no», skriv bygdelaget.
