Inviterer til Hjortatrakket og Søral-løpet

Søndag 16. oktober inviterer bedriftsidrettslaget til Søral til 2022-utgåva av løp og trakk, sjølv om dei noko fyrrige vêrmeldingane gjer at det blir teke forbehold vedrørande gjennomføringa av Hjortatrakket.

Onsdag melder Yr om at Husnes kan venta seg 20mm nedbør.

Søralløpet med sine 5,8 kilometer blir gjennomført utan løpsklasse, medan Hjortetrakket - om det blir noko av - byr på ei lang og ei mindre lang løype i Husnesfjella.

Svaneheiaruta er på 11 km, medan Mjelkhaugruta er om lag 20 km.

Det blir start og målgang ved administrasjonsbygget til Hydro Husnes, og alle som deltek kan vinna gåvepremiar som blir trekt på startnummeret, melder Are Ulseth for Søral B.I.L.