Inviterer til folkemøte om Grøn Næringspark

19. januar held Kvinnherad kommune og Kvinnherad Næringsservice (KNS) informasjonsmøte om Grøn Næringspark på Teams.

Då planarbeidet er godt i gong ynskjer Kvinnherad kommune no å informere om status og den vidare prosessen. Dei vil også nytta høvet til å presentere oppdaterte skisser og utkast til reguleringsplan, ta opp viktige problemstillingar og informerer om det pågåande arbeidet med å få realisert næringsparken.

Programmet inneheld vidare presentasjonar og innspel frå ulike aktørar som er relevante for og i prosjektet:

– Husnes Utvikling vil halde innlegg om tilbakemeldingar dei har fått og korleis dette arbeidet kan styrke regionsenteret. Kvinnherad Næringsservice kjem til å presentere arbeidet med å gå frå moglegheitsstudie til realiserbart konsept, sett frå næringslivet sin ståstad. Representantar for biogasselskapet Vireo AS og hydrogenselskapet Hydrogen Solutions AS kjem som døme på to av næringane som er aktuelle for næringsparken. Høgskulen på Vestlandet vil også informere om hydrogen, med særleg fokus på tryggleik, står det å lesa i møteprogrammet.

Etter dette vert det opna opp for spørsmål til innleiarane, innspel frå publikum og diskusjon. Lenke til møtet ligg på kommunen sin nettstad.