Inviterer til filmframsyning
I sympati med aksjonistane som sat framfor departementa i førre veke, inviterer aksjonsgruppa «Nei til vindkraft i Kvinnherad» alle som sympatiserer med saka til framsyning av filmen «Ellos eatnu – La elva leve».
Saka om vindkraftanlegget har fått stor merksemd både her i Norge og i utlandet, det same har filmen, som har Ella Marie Hætta Isaksen i hovudrolla. Filmen blir synt på Husnes laurdag 11. mars.
Aksjonsgruppa kjem til å ta i mot publikum med banner, faklar og raud løpar. Dei oppmodar folk til å bli med for å støtta saka, og på den måten setje seg inn i ei problemstilling som fort kan bli vår eigen, står det i ei pressemelding.
Annonse
Det vert kjempa for naturverdiar, kultur og storsamfunnet si overkøyring av små lokalsamfunn, avsluttar pressemeldinga.
