Inviterer til ein aktiv haustferie
Matlagingskurs, diverse turneringar, bakedag, LAN og mykje anna er av det barn og unge kan delta på i haustferien.
Publisert
Sist oppdatert
Ungdommane i Kvinnherad skal ikkje trenga å kjeda seg sjølv om skulen har stengt neste veke. Ungdomsbasen, Frivilligsentralen og Friskus, inviterer nemleg til ein aktiv haustferie med mange kjekke aktivitetar. Det er lagt opp til både dag- og kveldsarrangement.
Måndag held Stord bordtennisklubb eit bordtenniskurs for dei som ynskjer det. Ein kan også delta på matlagingskurs med Lady Lea og assistentane Maria og Ingebjørg. Her skal det lagast vårrullar.
Annonse
Turnering
Onsdag vert den store biljard- og bordtennisturneringa, og deretter pizza på kvelden. Torsdag skal det heile avgjerast med finale i turneringa, samt bakedag med Heidi frå Husnes Helselag.
Tysdag, fredag og laurdag er Ungdomsbasen Sør stengt, men arrangørane rår ungdommane til å vera sosiale.
– Ta med deg gode vennar på tur med kakao og digg niste. Utstyr kan de låna på BUA. De kan fiska, sykle eller noko anna aktivt. På fredag er dagens tips å ta med ein god venn eller to på kino, og på laurdagen kan ein invitere venner heim og lag mat saman. Pizza eller taco kanskje? og ein film?, skriv arrangørane.
Annonse
LAN og mekking
Ungdomsbasen held ope på søndag, og då kjem Hardanger Handbakk-klubb og lærer deg handbakk-kunsten. Elles arrangerer Ungdomsbase Nord i Rosendal LAN måndag til tysdag.
– Om ikkje du vil game, så er det moglegheit for film, brettspel, musikk og andre aktivitetar. Det blir laga til mat på kvelden/natta og frukost.
Mekkegarasjen vil vera ope frå klokka 17 - 21.30 på måndagen.
