Integrerer tru og psykologi gjennom seminarhelg
Halsnøy indremisjon inviterer til Teleios-seminar nest siste helga i november.
Dette fortel Ingunn Koløy i ei pressemelding. 17.-19. november kjem Solvår Gilberg Angeltveit og Anne Gotuholt Lunde på besøk frå IMI-kirken i Stavanger.
– Angeltveit og Lunde er dyktige undervisarar som skal leia oss gjennom helga. Hovudtemaet denne helga vert kommunikasjon med varme, empati og respekt, samt problemeigarskap. Teleios-reiskapet har i mange år bidrege til gode sunne relasjonar med andre, seier Koløy i pressemeldinga.
Annonse
– Dei fleste av oss ynskjer å møta andre med omsorg, forståing, ekteheit og ærlegheit. Å bli god på kommunikasjon er ein livslang læringsprosess, og på Teleios-seminara vert tru og psykologi integrert med kvarandre, fortset ho.
Det vil verta både undervising, refleksjonar og noko gruppesamtale, det vert også anbefala å få med seg heile helga for å få heilheita i det.
