INP-toppane sigra i tingretten
Hordaland tingrett har slått fast at eksklusjonen av INP-toppane er ugyldig.
Det melder Elden Advokatfirma i ei pressemelding.
Saka handlar om bitter intern strid som har pågått i fleire månadar, særleg mellom den sentrale partileiinga i Industri- og næringspartiet og fylkeslaget i Vestland. Thomas Hellevang og Bjarte Helland blei som eit resultat av dette fratekne verva sine som leiar og nestleiar i fylket.
Annonse
Både kva konfliktane handlar om, og kvar konfliktlinjene går, har vore uoversiktlege sett utanfrå, skriv NRK.
Må løysast politisk
INP tapte saka mot Vestland INP på alle punkt og blir samstundes dømd til å dekka sakskostnadane til Vestland INP, Thomas Hellevang og Bjarte Helland, totalt 120.000 kroner.
– Konflikta i INP må løysast politisk, ikkje gjennom å kaste ut medlemar som er ueinige med leiinga, uttaler advokatfullmektig Mathias Helseth i Elden Advokatfirma, som legg til at dei er nøgde med kjenninga.
Annonse
Ifølgje BT krev Helland at noverande partileiar, Ann Jorun Hillersøy, gir tilbake fylkesvervet til han.
