Innsamlinga har passert 300.000 – no startar auksjonane
Per Korsvold kviler korkje på sykkelsete eller laurbær. Trass i at innsamlinga til kreftforeininga går bra, held han fram med aktivitetar for det gode formålet.
Publisert
Torsdag startar han med auksjonar til inntekt for Kreftforeningen.
– Det blir eitt objekt i slengen. Eg veit ikkje eg kjem til å klara å ha éin kvar kveld, så det blir strødd litt utover, forklarer Per Korsvold.
Annonse
Torsdag startar ballet, men kva auksjonsobjekt som skal først i elden blir ikkje avslørt før same dag som auksjonen er.
– Eg prøver meg litt fram med dette, det er ikkje så mange ting som er klare enno, legg Korsvold til.
I samband med turen til Lyon starta han Facebook-sida «Ride for a reason – Lyon», som også blir staden auksjonane blir arrangert.
– Eg kan ikkje bruka pengar på å få laga ei eiga side til noko slikt, påpeikar han.
Annonse
Innsamlinga til Kreftforeningen har gått minst like godt som sjølve sykkelturen til Lyon gjorde. Målet om 100.000 innsamla kroner vart nådd før syklinga hadde starta.
– Det kjem framleis drypande inn litt og litt. 300.000 kroner blei passert for to veker sidan, sluttar Korsvold.
