Innhaldsrik pinsefeiring i Åkra
Tradisjonen tru blir det også i år ei aktiv og fullpakka pinsefeiring i Åkra, med både løp, turnering og kyrkjekonsert.
Pinseafta vert det duka for Åkraløpet med både trim- og konkurranseklasse og barneløp arrangert av Åkra Idrettslag. I tillegg blir det også sandvolleyballturnering på flunkande ny bane, opplyser Bjørn Rune Bergane i ei pressemelding.
1. pinsedag får ein høve til å roa ned og feira pinsen med ein stemningsfull konsert i Åkra kyrkje.
Annonse
– Årets konsert blir med Rebekka Attramadal, akkompagnert av Reidar Algerøy på piano. Dei kjem til å framføra ei blanding av visesong, salmar og folkemusikk, seier Tormod Øverland i Åkra Bygdalag i ei pressemelding.
