Innbrot på Sandvoll – stal ATV
Politiet fekk fredag melding om innbrot i ein fritidsbustad ved sjøen på Sandvoll.
Publisert
Sist oppdatert
Innbrotet vart oppdaga fredag. Eigarane av fritidsbustaden hadde sist vore der halvanna veke tidlegare, så ugjerninga må ha skjedd i tida frå då og fram til fredag. Politiet har vore på staden og gjort undersøkingar.
– Uvedkomande hadde brote seg inn i både i hytta, garasjen og naustet, og rota mykje rundt. Mellom anna var det teke ein ATV. Viss nokon har gjort observasjonar eller har informasjon, bed vi om at dei tek kontakt med politiet, seier politioverbetjent Torgeir Fosse ved Kvinnherad politistasjon.
