Ingen mistenkte i brannstiftingssakene
– Folk har vore flinke til å tipsa oss med namn og observasjonar, og me undersøkjer dette nærare. Me trur det er snakk om folk som ikkje forstår farepotensialet i handlingane sine, og me har lyst til å få ein dialog med dei.
Dette svarar Sigurd Børve ved Kvinnherad politistasjon når Grenda spør om situasjonen. I helga var det endå ein brann i ein bosdunk i Rosendal, denne gongen utanfor Turistinformasjonen. Denne føyer seg inn i ei rekke av fleire branntilløp dei siste månadane. Børve seier dei framleis ynskjer kontakt med folk som kan vita noko.
– I nokon av tilfella kunne brannane fort ha utvikla seg og blitt langt verre, så me synest dette er bekymringsfullt.
Annonse
Politiet har auka patrulje-verksemda si i Rosendal, og Børve forsikrar at dei jobbar vidare med sakene.
