Ingegjerd (51) er tilsett som avdelingsleiar for ny avdeling
Kvinnherad kommune har tilsett Ingegjerd M. Tufte (51) frå Hjellestad som avdelingsleiar for den nye forvaltingsavdelinga i Kvinnherad kommune.
Publisert
I desember i fjor vart det klart at Kvinnherad kommune hadde planar om å reetablera ei forvaltingsavdeling, etter at dei tilbake i 2017 la ned tildelingskontoret sitt.
Dei gjekk like før jul ut og søkte etter ein avdelingsleiar for si nye satsing.
Annonse
«Avdelinga er ei ny satsing, og du vil som avdelingsleiar få ansvaret med å utvikla forvaltingsavdelinga», stod i utlysingsteksten.
Gler seg
Kommunen fekk inn seks søknadar til stillinga før fristen gjekk ut søndag 23. januar. Og no har dei landa på sin kandidat.
– Ho heiter Ingegjerd M. Tufte, er 51 år og kjem frå Hjellestad utanfor Bergen. Ho kjem frå ei stilling som saksbehandlar i Bergen kommune, og har også leiarerfaring frå heimesjukepleia i Bergen kommune, seier sektorleiar omsorg, helse og sosial Åslaug Brænde.
Annonse
I tillegg til det har Tufte erfaring frå fleire relevante prosjekt frå helse og omsorg, samt fleire undervisingsoppdrag knytt til spesialhelseteneste og andre einingar i kommunen ho har jobba i.
– Ho er klar til å ta fatt på jobben i Kvinnherad i midten av april, og gler seg til oppgåvene, seier Brænde.
