Influensarar held Kvinnherad høgt som reisemål også i år

Å kalle ein Instagram-reel for ei liste er mogleg å tøye strikken litt langt. Men at to turmål i Kvinnherad blir fremja til kontoen sine nær 1 million følgjarar bidreg truleg til at desse stadene blir godt besøkt også i år.

I 2021 vart Fjellhaugvatnet den nye, store Kvinnherad-hiten i sosiale medium, noko som ikkje var udelt positivt.

Vonleg kan hyttefolket i området allereie no tenka på å setja opp skilt av typen «Privat eigedom» og «No parking». Likeeins bør gjerne SKL vurdera å gå til innkjøp av nokre skilt dei òg, til dømes noko i retninga «Akt deg for vatnet, det er iskaldt».

Mange vil ta bilete av denne idyllen – no åtvarar SKL dei besøkjande mot å bada i vatnet

Pur idyll

For det eksotisk grøne Fjellhaugvatnet er nemleg med på lista som ein av topp5-destinasjonane Norge har å by på. Den andre destinasjonen må seiast å vera ein gamal klassikar, som truleg aldri vil gå av moten: Bondhusvatnet.

Dei tre andre destinasjonane som blir presentert med levande bilete er Loenvatnet, Rakssetra og Vøringsfossen, destinasjonar som absolutt ikkje gjer skam på Kvinnherad-turmåla.