– Ikkje gjennomslag for auka kjøpekraft
Ei pressemelding frå LO opplyser at partane går i streik frå måndag morgon kl. 06.00.
Publisert
Sist oppdatert
– LO kravde auka kjøpekraft for alle sine medlemmer, og eit løft for dei lågtløna. NHO har valt å avvisa våre krav, og sender dermed landet ut i streik, seier LO-leiar Peggy Hessen Følsvik i pressemeldinga.
– Søndag ettermiddag sa LO nei til skissa frå riksmeklaren, då denne ikkje tok opp i seg kravet frå LO. Dermed er det brot i meklinga mellom LO og NHO, og ca. 23 000 LO-medlemmer blir tatt ut i streik frå måndag kl. 06.00. Streiken blir trappa opp fredag. Då vil totalt ca. 38.500 LO-medlemmer vera i streik, opplyser LO.
Annonse
LO-leiar Peggy Hessen Følsvik slår fast at dei er klare for å streika så lenge det krevst.
Streiken omfattar 185-000 LO-medlemmer i privat sektor (NHO-organiserte bedrifter). Frå måndag morgon blir 22.947 LO-medlemmer tatt ut i streik. Streiken blir trappa opp fredag. Då vert streikeuttaket utvida med ytterlegare 15.509 medlemmer. Dermed vil 38.500 LO-medlemmer frå fredag vil vera tatt ut i streik.
Dei førebels einaste Kvinnherad-baserte arbeidsplassane som blir råka i første runde, er ferjesambanda Årsnes - Gjermundshamn og Ranavik - Skjersholmane, som begge vil få kapasiteten halvert. rana
