Ikkje alle klarte å venta til kvelden

I det store og heile hadde politiet ei roleg nyttårsfeiring, men trass lovverket, var det ikkje alle som klarte å venta til klokka 18 med å skyta opp rakettane sine.

– Vi har loggført éi melding om dette, men det har nok sikkert kome fleire. Vi har ikkje hatt kapasitet til å følgja opp desse typer saker dette året, seier politistasjonssjef Sigurd Børve.

Meldinga kom frå Sæbøvik, og hendinga skal ha skjedd nær ein trafikkert veg.

– Det er ei kjent sak for politiet at ikkje alle foreheld seg til lovar og reglar, mellom anna med klokkeslett og bruken av naudbluss denne dagen, sluttar Børve.

Ifølgje lovverket kan privatpersonar berre avfyra fyrverkeri på nyttårsaftan mellom klokka 18 og 02.

Vil ha fyrverkeriforbod: – Bør vera eit tankekors for kommunane før nyttårsfeiringa