I morgon startar rettssaka etter Varaldsøy-drapet

Onsdag morgon startar rettssaka etter drapet på Renate Strand Normann. Drapet fann stad på Varaldsøy på kvelden 22. april 2021. Ein 48-åring er tiltalt for å ha slått Normann gjentatte gongar i hovudet med ein trestokk. I følgje tiltalen skal slaga ha medført så store skada på Normann at ho døydde kort tid seinare av skadane. Strafferamma for § 275, som han er sikta etter, er mellom 8 og 21 år i fengsel.

Forsvarar Jørgen Riple har til Bergens Tidende tidlegare fortalt at tiltalte erkjenner straffskuld for grov kroppsskade, men nektar straffskuld for drap.

48-åringen er også tiltalt for valds og trugslar mot ein tidlegare sambuar, i perioden 2014 til 2020. Her er han sikta etter § 282, vald i nære relasjonar, med strafferamme på inntil seks år i fengsel, om han blir funne skuldig.

Rettssaka finn stad i Haugesund, og retten har sett av ni dagar til saka.