Hydro Husnes og NAV skal inngå ny og betre avtale
Hydro Husnes og NAV skal inngå ein ny avtale om å skapa eit betre og tettare samarbeid, som skal koma både verksemda og dei som NAV fylgjer til gode.
- Målet er jo å halda folk i arbeid så lenge så mogeleg, då er det viktig med eit godt samarbeid med arbeidsgjevar, fortel Chris-André Elvik, marknadsansvarleg for NAV region Sunnhordland.
Vidare fortel han at det er viktig at dei har kjennskap til verksemda.
Annonse
- Me må kunne snakka deira språk, på eit vis. Klare å skapa eit godt partnarskap gjennom vårt samarbeid med dei. Samarbeidet eksisterer jo allereie, men det er viktig at me finn fleire og betre måtar å samarbeida på, som gjerne er litt mindre personavhengig, seier Elvik.
Fyrst ut
Vidare fortel han at dette blir fyrste avtalen i sitt slag i Kvinnherad.
- I motsetnad til tidlegare avtalar, som gjerne har fokusert på éin spesifikk ting, så ser denne avtalen på alt samla. Den famnar om heilheita, og me er veldig glade for å ha ein sånn avtale i Kvinnherad, fortset han.
Annonse
- Me håpar at me på kort tid kan levera tenester som verksemdene kan ha nytte av og kjem alle til gode, avsluttar han.
Meir informasjon om avtalen skal koma tysdag 28. mars på eit møte på Hydro Husnes.
