Husnes kyrkje vert stengt i to veker
Frå måndag 16. oktober og to veker framover vert Husnes kyrkje stengt. Eventuelle gravferder må då føregå i andre kyrkjer.
Publisert
Årsaka til stenginga er at det skal gjerast eit arbeid med å heva golvet i midtgangen, slik at golvet vert like høgt i heile kyrkja.
– Slik det har vore fram til no, har dette vore ein snublekant, og vi har diverre opplevd at folk har falle når dei skulle gå ut av kyrkja, opplyser kyrkjeverje Torstein Aarthun til Kvinnherad kyrkjelege fellesråd si heimeside.
Annonse
Arbeidet medfører mellom anna at det ikkje vert mogeleg å ha gravferder frå Husnes kyrkje dei aktuelle vekene.
– Alternativet er då å nytta Valen kyrkje, eventuelt ei av dei andre, og køyra til gravplassen på Husnes for gravlegging der, fortel kyrkjeverja.
Sikrare
Planen er at kyrkja skal vera klar til gudstenestefeiring søndag 29. oktober. Aarthun ser naturleg nok fram til å ynska velkomen i kyrkja igjen.
Annonse
– Vi håper at dette skal bli ei betre, og ikkje minst sikrare, løysing for gjestene våre i kyrkja, skriv han.
