Hugs alarmtesten i dag

I dag vert det ein ny nasjonal varslingsprøve på mobil og Sivilforsvaret sine varslingsanlegg.

«Naudvarselet vil sendast til telefonar kopla til 4G eller 5G. Dei vil då vibrera og spela av eit høgt lydsignal. Telefonen må vera i flymodus eller slått av viss ein ikkje skal få varselet. Varselet vil vera ein høg lyd i ti sekund, og med ei melding som opplyser at det er ein naudvarsel. Telefonar med utanlandsk nummer vil få meldinga på engelsk», opplyser Kvinnherad kommune.

Førre gong ein slik test vart gjennomført, var 14. juni i fjor.