Høyåker musikkorps inviterer til julekonsert
16. desember inviterer Høyåker musikkorps, med gjester, til førjulskonsert i Valen kyrkje. Kva er vel betre enn å ringa jula inn med flotte tradisjonelle julesongar, framført av både små og store musikantar?
Publisert
Sist oppdatert
Fredag 16. desember inviterer Høyåker musikkkorps til julekonsert i Valen kyrkje. Denne gongen består gjestene av vokalist Nils Trygve Markhus og elevar frå Kvinnherad kulturskule.
– Repertoaret vil bestå av flotte tradisjonelle julesongar, så her er alle som ynskjer å koma i julestemning ei veke før jul velkomne. Me har nyleg hatt eit seminar der me har terpa på programmet, så no gler me oss stort til å visa fram kva me har jobba med. Me plar ikkje ha med oss folk på vokal, så det er veldig stas at Nils Trygve er med oss denne kvelden, fortel Olav Eger Hesjedal i Høyåker musikkorps.
