Holmfridur vann maraton på Karmøy

Holmfridur Adalsteinsdottir frå IL Trio knuste konkurrentane i Karmøy Maraton førre laurdag.

Fleire Trio-utøvarar deltok laurdag i Karmøy Maraton. Blant dei Holmfridur Adalsteinsdottir frå Valen. Den lettbeinte kvinna sprang i mål på tida 3:11:35, og vann med det kvinneklassen med sju minutt ned til nummer to.

I klassen halvmaraton vart Trude Sundsteigen nummer 8 på tida 1:45:46. Ei tid som gjorde ho til vinna i sin aldersklasse. Vann gjorde også Kenneth Blom frå Trio. Med tida 1:30:04 på halvmaraton, vart han suveren vinnar i sin klasse M55-59 på Karmøy.

Gunnar Vaage deltok i maratonklassen, og vart nummer to i sin aldersklasse M60-64 med tida 3:38:54.

Hildegunn Håland konkurrerte i 10-kilometerklassen, og vart her beste kvinne i klassen 55-59.

I tillegg til det deltok Njål Tvedt, Terje Røssland Nes og Tor Harald Bringedal frå Trio i halvmaratonklassen.