Høgsterett: Kvinnherad Energi har forkjøpsrett til aksjar i Kvinnherad Breiband

Spørsmålet om forkjøpsrett av aksjar har versert i dei ulike rettsinnstansane sidan Haugaland Kraft kjøpte Fjelberg Kraftlag. Fjelberg Kraftlag hadde ein minioritetspost på 20 prosent i Kvinnherad Breiband, og kommunen sitt kraftselskap Kvinherad Energi har ville gjera gjeldande ein tidlegare inngått avtale om forkjøpsrett på desse 20 prosenta.

– Høgsterett la til grunn at overgang av aksjar som følge av fusjon og fisjon i utgangspunktet ikkje utløyser ein avtalt forkjøpsrett, men at ei konkret tolking av rettsgrunnlaget for forkjøpsretten kan gje særlege haldepunkt for ei anna løysing, skriv høgsterett i meldinga.

I dette tilfellet hang løysinga på tolkinga av den tidlegare inngåtte aksjeeigaravtalen.

– Høgsterett kom etter ei konkret vurdering til at den avtalte forkjøpsretten i dette tilfellet måtte forståast som så vidtrekkande at den blir utløyst også ved fusjon og fisjon, opplyser Høgsterett.

Dommen vart avsagt 16. juni.