Hjelper barn i Ukraina
"I Ukraina bur det 7,5 millionar barn. Akkurat no er alle desse barna sine liv og helse trua." skriv Unicef på sine sider. 8. trinn ved Rosendal ungdomsskule har teke dette problemet på alvor, og samlar no inn pengar til Unicef sitt hjelpearbeid for barn i Ukraina.
Publisert
Under eit foreldremøte på ungdomsskulen tysdag 15. mars, serverte elevane bollar, muffins og kaffi til dei som var til stades. Godsakene var gratis, men elevane nytta høvet til å oppmoda foreldra til å hjelpe, ved å donere pengar til aksjonen.
For å støtte arbeidet til ungdomsskuleelevane kan ein søke opp aksjonen på Unicef sine sider: "8.trinn ved Rosendal ungdomsskule hjelper barn i Ukraina".
