Historisk gudsteneste i Husnes kyrkje

Under gudstenesta kjem Halvor Nordhaug, den nyleg pensjonerte biskopen i Bjørgvin, med eit «mini-comeback» eins ærend for å vigsla Selsvold til prest.

Selsvold har gjort teneste som prestevikar i Husnes og Holmedal sokn samtidig som ho har fullført presteutdanninga. No har Bjørgvin bispedømeråd tilsett ho som sokneprest i dette soknet, skriv dei i ei pressemelding.

Det vil også vera mange andre som gjer teneste under gudstenesta, blant andre Svein Arne Theodorsen, prost i Sunnhordland, og sokneprestane Carsten Mrusek, Kjersti Brakestad Boge og Kjetil Kringlebotten.

Også Liv Slettemark, soknerådsleiar og klokkar og kyrkjeverje Thorstein Aarthun, tek del i prestevigslinga.

Kantor vert Eva Megyesi, medan kvartetten «Ære» skal syngja.

Det vert også nattverd, og etter gudstenesta vert det kyrkjekaffi i kyrkja, med høve til helsingar.

Alle er velkomne til gudstenesta og samlinga etterpå, skriv dei i pressemeldinga.