Historisk budsjettsemje i kommunestyret

35 av 35 kommunestyre reiste seg synkront då kommunebudsjettet for 2024 skulle vedtakast. Det framlagte forslaget til koalisjonen Høgre, Arbeidarpartiet, KrF og Venstre inneheldt eit knippe justeringar av kommunedirektøren sitt framlegg.

Parallelt var alle opposisjonspartia inviterte inn i samtalar for å finna eit budsjett og ein økonomiplan flest mogeleg kunne stilla seg bak.

Høgtid

– Det er høgtidssamt å leggja dette budsjettet fram. Det har vore mykje arbeid, men me ser at me kanskje får eit samrøystes budsjett, sa Knut Johannes Helvik (H) då han presenterte koalisjonen sitt budsjett.

Han omtalte kommunedirektøren sitt framlegg godt, og slo fast at Kvinnherad kommune har sterk økonomi.

– I det pol arbeidet har me samarbeidd godt i koalisjonen. Ingen av partia har fått sin vilje i alt. Andre parti inviterte inn til forhandlingar. Sjølv om me har store inntekter, så har me ikkje botnlaust med pengar, åtvara Helvik obligatorisk før han heldt fram med pengebruken koalisjonen legg opp til.

– Me har kanskje strekt strikken vel lang, og skulle nok hatt eit større driftsoverskot. Me har budsjettert slik i mange år, men hatt overskot og har slik bygd opp eit disposisjonsfond på rundt 300 millionar kroner no, som er godt å ha til dårlege år. Og skal me no 15.000 så må det satsast og investerast, sa Helvik.

Må finna 33 millionar

Økonomikorrespondenten til Høgre meinte koalisjonen kom med nyttårsgåver til kvinnheringane, blant anna gode oppvekstkår. Han slo fast at det aldri har vore rimelegare å barn i barnehagen.

– Me vil ha ein god grunnskule og eit godt omsorgstilbod. 15.000 innbyggjarar er målet, og me satsar på bustadbygging og tomteutvikling for å få det til. Me seier nei til eigedomsskatt i heile økonomiperioden. Det betyr at me må finna 33 millionar i 2025, -26 og -27 som økonomisjefen har i sitt forslag til økonomiplan, la han til

I økonomiplanen legg koalisjonen opp til ny skule på Husnes, bygging av Heradstun i Rosendal og helsehus på Husnes.

Idrettshall Rosendal er lagt inn i slutten av økonomiplanperioden, i lag med at midlar til områdeplanane for Sunde og Rosendal like ein.

Helvik påpeika også at Kvinnheradpakken ligg framleis der:

– Ei rekkje verbalpunkt kjem seinare. Administrasjonen skal ikkje bli arbeidslaus, lova Helvik.

Vellæte

Etter at Helvik hadde brukt opp si taletid, overtok dei aller fleste andre partia talarstolen og skrytte over eit gode budsjett.

Per Harald Löfgren Johansen (Ap) takka administrasjonen, fagrørsla og dei andre partia for arbeidet.

– Me legg fram eit budsjett der me har klart å balansera stram kommuneøkonomi og treffsikre tiltak for innbyggjarane. Det har vore eit nitidig arbeid å halda eigedomsskatten på null, og me har klart å finna inndekking til det, sa Löfgren Johansen.

Jostein Rødland (INP) gav skryt til posisjonen for invitasjon inn i budsjettet for debutantpartiet.

– Det er eit godt og spennande budsjett. Auka grunnbemanning trur eg vil gje minke i vikarbruk og færre sjukemeldingar. Det er ein god profil på prosjektet opp mot barnefamiliar. Eg syns dette budsjettet passar godt til vårt valprogram, sa han.

Også Kent Are P. Kjørsvik (Venstre) trykte budsjettet til sitt bryst.

– Me er glade for at ein har fått med bassengdrifta. Det er viktig å satsa på ungdommane andre stader enn Husnes og Rosendal også, så ungdomsklubbane må inn i budsjettet.

Barnehagetilbodet på Varaldsøy opprettheld me det som i dag, påpeikte Kjørsvik.

Samla tropp

Etter tur gjekk gruppeleiarane på talarstolen og gav si tilslutning til budsjettet. Alf Jarle Langeland (KrF) var glad for at fritidskortet er på plass igjen, og at frivilligkoordinator på aldersheimane blir prioritert.

– Dette er eit framlegg som heile kommunestyret står bak, følgde Ove Lemicka (Frp) opp.

– Det er gjort gode forbetringar. Difor stiller me oss bak dette, og stiller ikkje med eige budsjett. Ein har fått til dette utan at kostnadane har blitt for store. Det er balansert og ansvarleg, har sosial profil, satsar på barn og unge og vekst, så det er eit godt Frp-budsjett, la han til.

Silje Nordtveit Olsen (SV) stilte seg bak prosessen som politikarane hadde hatt i budsjettarbeidet, og understreka at auka grunnbemanning har viktig for opposisjonen.

– Det viser igjen i budsjettet at opposisjonen er høyrt. Me meiner dette er eit raudt budsjett, som gjer Kvinnherad til ein rausare kommune som reduserer skilnadane. Me ønskjer ikkje skattlegging berre for å skattlegga, og me er ein kommune med store ekstrainntekter, påpeika SV-leiaren.

– Me er redde for framtidig bruk av kraftfondet, men glade for mykje i dette budsjettet. Alt i alt er me takksame for eit godt samarbeid, sa Veronica T. Thorsen då ho gjorde klart at også Senterpartiet stilte seg bak alle dei framlagte forslaga i budsjettet.

Dermed enda budsjettet opp med noko ein knappast har sett i Kvinnherad før: Eit aldeles samrøystes budsjett for det komande året.