Heva til raudt farevarsel
Meteorologisk institutt og NVE sendte onsdag ut raudt farevarsel for ekstremt mykje regn og stor fare for jord- og flaumskred, for store område i Sør-Norge.
Publisert
Dei fyrste meldingane om uvêret, som har fått namnet Jakob, kom tysdag. Då var det oransje farevarsel. Onsdag vart dette justert til raudt, sjølv om ein paradoksalt nok har nedjustert nedbørsmengda, i alle fall i Kvinnherad.
«Den kraftigaste nedbøren er venta i midtre og indre strok av Vestland fylke, med stadvis opp mot 120-180 millimeter nedbør på eitt døgn. Det er også stor fare for jord- og flaumskred i varslingsområdet. Slike skredhendingar kan få store konsekvensar, også for framkomst på vegane. Vegar kan bli stengde på kort varsel, og det kan medføra betydeleg fare å ferdast på vegane medan flaum- og skredsituasjonen pågår», skriv Statens vegvesen i ei pressemelding. Dei rår samstundes alle til å halda seg oppdaterte om utviklinga av vêret, og skred- og flaumsituasjonen.
