Her er Øyatun-elevane sine ynske for framtida

Den såkalla Verdiseglasen nordover kystpilegrimsleia til Trondheim, skal undervegs samla inn verdibrev frå lokale ungdomar langs ruta. Desse breva skal oppbevarast i trønderhovudstaden, og overrekkast til Nasjonaljubileet 2030. Breva er meint å vera oppmodingar og råd frå dei unge til våre politiske leiarar, slik at vi saman kan forma ei god framtid.

Tok i mot Olavsflamma

Dei to fyrste verdibreva kom frå skuleelevar på Moster og Halsnøy. Halsnøy-brevet vart lese opp av lærar Bård Øvsthus under pilegrimsgudstenesta i klosterruinane søndag ettermiddag. Til Grenda opplyser han at teksten er utforma etter samtalar fyrst og fremst med elevane i 8. og 9. klasse, men også 10.

Verdiseglas og pilegrimsmesse på Klosteret

Brevet vart etterpå lagt oppi skipskista, som skal vera med på ferda nordover, av eleven Trine Ommer Bjelland.

Her er dei 16 draumane for framtida frå dei unge på Øyatun skule:

1. Fred i verda.

2. Ta vare på menneske, natur og klima.

3. Ta vare på utviklingshemma, gamle, sjuke, svake og fattige.

4. Ta vare på kvarandre, og hjelpa og støtta andre.

5. Ta vare på velferdssamfunnet. Ta vare på alle som behøver hjelp.

6. Ta vare på høgtidene, uansett tru-tilhøyrsle.

7. Mindre ulikheit, mindre egoisme.

8. Minska forskjellen på fattige og rike.

9. Bruka pengar der det trengs og behøvst, ikkje til krigsindustri.

10. Gratis utdanning for alle, uansett om ein er fattig eller rik. Alle ungdomar må få utdanna seg utifrå individuelle evne og ynske.

11. Gratis sjukehus og helsehjelp.

12. Ytringsfridom for alle, uansett personlege innstillingar eller føresetnader.

13. Ta vare på dugnadsånda, leggja til rette for engasjement og frivillig arbeid.

14. Sjølvforsyning. Vi må dyrka nok mat, så vi blir meir uavhengige av import frå utlandet.

15. Mindre opptekne av personleg utsjånad, meir søkelys på det indre sjelelege, reflekterande og åndelege liv.

16. Vi må alle slutta å mobba og å snakka om «dei andre» eller «oss».