Her er hovudpunkta

– Vi har gjort ein del endringar frå kommunedirektøren sitt forslag, sa Øyvind Lernes (H) då han vart fyrstemann til å ta ordet i budsjettdebatten.

På eine sida har den nye fleirtalsgrupperinga auka drifta med 22,6 millionar kroner. Samstundes forventar dei høgare inntekter, og aukar denne posten med 32 mill. Dette mellom anna grunna auke i rammeoverføringa frå staten etter regjeringsskiftet, samt større utbyte frå BKK. Partia aukar også investeringane med 15 mill.

Når det gjeld eigedomsskatten vert den halde på 2021-nivå. Men tanken er no å setja ned eit politisk utval som skal sjå nærare på denne skattlegginga.

Sentrale punkt i vedteke budsjett 2022 og økonomiplan 2022-2025:

* Bustadutvikling: 25 mill. i 2023.

* Idrettshall i Rosendal: 10 mill. i 2024.

* Vedlikehald kommunale vegar, bruer og kaiar: 3,5 mill. kvart av åra 2023-2025.

* Velferdsteknologi: 1 mill. kvart av åra i perioden.

* Områdeplan Sunde, fysiske tiltak: 5 mill. både i 2022 og 2023.

* Områdeplan Rosendal, fysiske tiltak: 5 mill. både i 2022 og 2023.

* Sentrumsplan Husnes, fysiske tiltak: 5 mill. både i 2023 og 2024.

* Sunnfast planmidlar: 1 mill. i 2022.

* Kvinnherad Arena, ferdigstilling og solceller: 4,5 mill. i 2022.

* Heildagsskule Hatlestrand: 350.000 kroner i 2022 og 700.000 kvart år i resten av perioden.

* Sektor for samfunnsutvikling: 3 mill. ekstra kvart år. Skal prioriterast til byggesak og landbrukskontoret.

* Dagmøte i kommunestyret: 600.000 kroner kvart av åra.

* Frivilligsentralen: 750.000 kroner ekstra kvart av åra.

* Sunde kyst- og litteratursenter, fullføring 2. byggjesteg: 600.000 kroner i 2022.

* Bed om sak om «Hent meg-buss», etter modell av Ullensvang.

* Vil greia ut etablering av fond for klima, miljø og/eller berekraftig utvikling.

* Bed om oppstart av reguleringsplan for trafikksikring på Løfallstrand.