Helse Fonna overtek ansvaret for screening, gransking, tilbakekalling og oppfølging av Kvinnherad-kvinnene

Hovudbodskapen frå Helge Espelid, som er leiar for Brystsenteret ved Haugesund Sjukehus, er følgjande: Det blir inga endring, bortsett frå at dei som blir tilbakekalla etter å ha vore på mammografiundersøking skal reise til Haugesund, i staden for til Bergen.

– Mammografibussen vil gå som før, og det vil framleis vera Kreftregisteret som styrer innkallinga til desse undersøkingane. Men i dei tilfella der ein finn noko som må undersøkast vidare, vil kvinnene det gjeld bli tilbakekalla til oss frå nyttår av, seier Espelid.

Han understrekar at BDS i Haugesund er svært positive til mammografibussen, og at dei ønskjer å halde fram med å ha denne i teneste. Grunna korona har ikkje bussen vore i Kvinnherad i år, og Espelid medgir at det også kan verta nokre forseinkingar i 2022, av same grunn.

For små forhold i bussen

Nytt BDS - lang erfaring

Det har blitt oppretta eit Brystdiagnostisk senter på radiologisk avdeling i Helse Fonna som dei siste åra har fått auka både kapasiteten og kompetansen. Screening og klinisk mammografi med biopsiar har dei gjennomført der sidan førre årtusen, og erfaring frå feltet har dei såleis opparbeidd seg over lang tid.

Sidan 1. januar 2020 har alle kvinner frå Nord-Rogaland blitt tilbakekalla til Haugesund Sjukehus for vidare oppfølging, dersom det har blitt oppdaga noko under mammografiscreeninga. Før den tid vart desse kvinnene tilbakekalla til Stavanger Universitetssjukehus.

I samband med dette, samt med tanke på å stetta behovet som aukar på frå 1. januar 2022, har dei tilsett fleire mammaradiologar og radiografar ved Brystdiagnostisk senter på radiologisk avdeling i Haugesund dei siste åra. Maskinparken har også blitt utvida, og eit heilt nytt apparat vil bli installert i januar, 2022.

Minst like gode

Såleis skal Brystdiagnostisk senter i Haugesund vera godt rusta til å ta i mot alle kvinner som soknar til Helse Fonna, for gransking, tilbakekalling og oppfølging frå nyttår.

– Behandlinga og utredninga kvinnene vil få hos oss blir altså like god som den Kvinnherad-kvinnene tidlegare har fått i Bergen. Våre radiologar er både dyktige og erfarne, og vi har dessutan hatt veldig høg kvalitet på tolkinga av bileta, noko det finst tal på.

Kun 40% oppmøte av inviterte Kvinnherad-kvinner til no i år

Tilbakekalling

Av kvinnene som møter til mammografiprogrammet, er det rundt 3-4 % som blir tilbakekalla for vidare undersøking på Brystdiagnostisk senter.

Helse Fonna informerer på sine sider om at dei vidare undersøkingane går ut på å ta fleire røntgenbilete, samt eventuelt ultralydundersøking, og at det nokre gonger er naudsynt med celle- og, eller vevsprøve. Om lag seks av 1000 som blir kalla inn til etterundersøking får påvist kreftforandring som må bli behandla.

Livreddande undersøking