Held fram som SV-leiar

23.januar hadde Kvinnherad SV årsmøte, der nytt styre vart vald. Silje Nordtveit Olsen held fram som leiar. Resten av styret er Hildegunn Hanstvedt Tofte (nestleiar), Javier Araya (kasserer), Elisabeth Croles (sekretær), Hege Lægreid Røssland, Wermund Vetrhus og Øystein Eik (alle styremedlemmer).

– Kvinnherad SV skal vera ein god organisasjon for medlemmane våre. Det skal vere rom for personar i alle samfunnslag og alle livssituasjonar. Alle som ynskjer å kjempe mot auka skilnadar i samfunnet og vil setta kampen for klima og naturvern på dagsorden er hjarteleg velkomen i Kvinnherad SV. Slik verda er i dag, med lokale, nasjonale og internasjonale utfordringar på rekke og rad, er det viktigare enn nokon gang å gje kvinnheringar plass i vår organisasjon, uttalar leiar Silje Nordtveit Olsen i samband med årsmøtet.

Hovuddrøftingane på møtet var målet om å vere eit tydleg stemma for natur, miljø og menneske, melder Kvinnherad SV vidare.