Held fram med kontrollar
Både natt til søndag og måndag kveld sjekka politiet promille og papir.
Publisert
Natt til søndag hadde politiet promillekontroll ved Seimsfoss i ei tre kvarters tid fram til klokka 0130.
– 27 førar var sjekka, og gav ingen utslag. Det vart gitt eitt munnleg pålegg på ein teknisk mangel, nærare bestemt lys, opplyser politistasjonssjef Sigurd Børve til Grenda.
Annonse
Måndag kveld i åttetida vart bilførarar i Uskedalen stoppa, nærare bestemt 52 i talet.
– Me gav eitt munnleg pålegg, men elles var det ikkje noko me noterte oss, seier politioverbetjent Torgeir Fosse om trafikkontrollen.
