Hektiske dagar - på den positive måten

Ein av grunnane til at Synnøve er så blid er at sommaren har bydd på svært godt besøk, og det er nettopp slik ho likar det. Dei tre tilsette i butikken har alle hatt ferie, og når det har vore travle dagar har dei stått litt ekstra på.

– Lukke for meg er å vera her og snakka med folk. Det er noko som gler meg, å slå av ein prat med både turistar og dei lokale. Eg har skamkosa meg i sommar, slår ho nøgd fast.

Øvrevik tykkjer det er veldig kjekt med folk på ferie, og fortel at dei i tillegg til desse har hatt besøk av mange faste, men også fleire nye kundar i sommar. Mange kjem til Halsnøy for å gå tur, og då kjem dei gjerne innom i butikken samstundes.

– Ikkje alle kvinnheringar er fjellgeiter, smiler ho.

Aukande besøk utover sommaren

Sommarsesongen så langt samanfattar ho som svært god på vegne av butikken. Det har vore så hektiske dagar at ikkje før ho har kome på jobb har arbeidsdagen vore over. Eller slik har det iallfall kjendest ut.

– Juli har vore heilt vanvitig, og det har kome meir og meir folk utover sommaren. Det har vore kjempekjekt, rett og slett! Me er godt nøgde, og har storkosa oss med kundane våre! avsluttar ho.

For deira del har den generelle omsettinga og besøket tatt seg opp etter at tunellen kom, og enno meir etter at det vart gratis å køyre gjennom den.