– Heilt ueinige
Dagleg leiar på MS «Sandnes» reagerer sterkt på ytringa om at skipet ikkje får vera under slep på grunn av mangel på sertifikat. – Det finst ikkje sertifikatskrav på båt under slep, seier han.
Publisert
Sist oppdatert
Dette er sjøfartsdirektoratet ueinige i.
– Det finst lovverk som vi held oss til kvar dag. Vi har eigne regelverk for passasjerskip, vedlikehald og alt som er. Vi tar ikkje tilbake eit sertifikat utan å ha heimel for det, og vi har ikkje til hensikt å gjere liva til folk vanskelege. Vi har eit samfunnsansvar som går på sikkerheit, seier kommunikasjonsdirektør i Sjøfartsdepartementet, Dag Inge Aarhus.
Annonse
– Kjernen i saka er at MS «Sandnes» fekk beskjed om å gjere utbetringar i fjor haust, og vi har enno ikkje fått informasjon om at dei er ferdigstilte. «Sandnes» har fått rimelig god oppfølging, men før utbetringane er gjort kan vi ikkje gjere så mykje meir, seier han.
Usakeleg
Alf Kåre Olavesen meiner at Sjøfartsdirektoratet tar feil og at desse reglane ikkje gjeld sidan MS «Sandnes» er eit verna skip.
– Vi har alt på det reine og båten er sertifisert for fem nye år. Det at ein haug bergensarar kjem om bord og lager kvalm synest eg ikkje noko om, seier han.
Annonse
– Det er så usakleg at det får stå for hans rekning, svarar Aarhus på dette, før han legg til:
– Dersom han vil snakka vidare om dette får han ta kontakt med oss.
Misforståing
Grenda skreiv tidlegare at MS «Sandnes» hadde mista kaiplassen sin i Vågen.
– Saka som Stavanger Aftenblad publiserte i 2017 er basert på ei stor misforståing. Vi har hatt kaiplass i Vågen samanhengande i 15 år, hevdar Alf Kåre Olavesen.
